नाम भूपसिंह 'भारती'
पता आदर्श नगर नारनौल (हरियाणा)
मोबाइल नम्बर 9416237425
सकरात मुबारक
सकरात का त्योहार सै,
मिलकै मौज मनावण का।
दान धरम कमावण का,
अर गच चूरमा खावण का।
गाँव गली नै बुहारण का,
बुजुर्गा नै जगावण का।
मंगल गीत गावण का।
बगड़ म्ह पूर बलावण का,
नफरत नै जलावण का।
कहै भारती सकरात पर्व सै,
मन म्ह प्रेम जगावण का।
मान सम्मान दान धर्म नै,
मन तै खूब बढावण का।
सकरात का पर्व सै देखो,
सूरज उत्तरायण म्ह आवण का।
तड़का पहल्यां उठकै भाई,
ताजे पाणी तै नहावण का।
- भूपसिंह 'भारती'
कोई टिप्पणी नहीं:
एक टिप्पणी भेजें