नूतन लाल साहू आवत हे अवईया ह

सुरता
आवत हे अवईया ह
जावत हे जवईया ह
बाचे हे कहईया ह
सुनत हे सुनईया ह
समय के चक्का ह चलत रहिथे
जवईया के संगी
सिरिफ सुरता ह रहिथे
बऊसला म छोल छोल के
ददा बनावय गिल्ली भौरा
लईका पन के सुरता आथे
मिल के खेलन भौरा बाटी
अडबड़ मजा आवय संगी
जब भौरा मारय भन्नाटी
आवत हे अवईया ह
जावत हे जवइया ह
बाचे हे कहईया ह
सुनत हे सुनईया ह
समय के चक्का ह चलत रहिथे
जवईया के संगी
सिरीफ सुरता ह रहिथे
बड़े बिहनिया ले गोबर कचरा म
हाथ गोड सनाये
नानकुन परछी म
बछरू गरवा बंधाये
कांख कांख के चूल्हा फुंकई
माटी के बरतन भड़वा
बोचकु टुरा के डबरा छिंचई
धरे ओहर बाम्बी डड़वा
आवत हे अवइया ह
जावत हे जवईया ह
बाचे हे कहईया ह
सुनत हे सुनईया ह
समय के चक्का ह चलत रहिथे
जवईया के संगी
सीरिफ सुरता ह रहिथे
एक फूल कभी, दो बार नहीं खिलता
ये जनम, बार बार नहीं मिलता
जिन्दगी में मिल जाते है हजारों लोग
मगर सुनहरा पल, बार बार नहीं मिलता है
नूतन लाल साहू