श्याम कुँवर भारती
भोजपुरी देवी गीत - तोहरी चौखट से खाली कइसे जाई ये माई
तोहरी चौखट से खाली कइसे जाई ये माई |
काहे रूसल बाडु फेर मुंह हमसे ये माई |
तोहरी किरीपा से सबकर दुख दूर हो जाला ,
बड़ी-बड़ी बिपतिया टरे कुछउ न बुझाला |
नजरिया फेरा हमरी ओर एक बार ये माई |
तोहरी चौखट से खाली कइसे जाई ये माई |
कइली केवन कसूर हम हमसे दूर हो गइलू ,
बड़े बड़े पापी तरलु काहे हमके भूल गइलू |
अबोध बालक भारती तोहार दुहाई ये माई |
तोहरी चौखट से खाली कइसे जाई ये माई |
छोडब न चरणीया बचनीया सुना मोर भवानी ,
ना चाही हीरा मोती नाही हमके सोना चाँनी |
करा हमपे किरीपा इहे मोर दुहाई ये माई |
तोहरी चौखट से खाली कइसे जाई ये माई |
श्याम कुँवर भारती
कोई टिप्पणी नहीं:
एक टिप्पणी भेजें