नूतन लाल साहू

बसंत ऋतु
परसा फूल ह झाकत हे
खोखमा ह हांसत हे
ये संकेत हे
बसंत ऋतु आगे
पीयर पीयर चुनरी ओढ़े
खेत में सरसों आबाद हे
लाखडी अउ चना के होरा
गजब के स्वाद हे
परसा फूल ह झांकत हे
खोखमा ह हासत हे
ये संकेत हे
बसंत ऋतु आगे
खाय में दाल भात
चटनी में धनिया मिर्चा पताल हे
भाजी में लाल भाजी
चौलाई अउ पालक के कमाल हे
परसा फूल ह झांकत हे
खोखमा ह हासत हे
ये संकेत हे
बसंत ऋतु आगे
झूम झूम के मयूर ह नाचे
कोयली गाना गावत हे
धोवा लुगरा पहिने चंदा
जग म अंजोर बगरावत हे
परसा फूल ह झांकत हे
खोखमा ह हासत हे
ये संकेत हे
बसंत ऋतु आगे
छत्तीसगढ़ के रहईया ल
कहिथे सबले बढ़िया
सुख अउ शांति से रहना है तो
झन बनव शहरिया
परसा फूल ह झाकत हे
खोखमा ह हासत हे
ये संकेत हे
बसंत ऋतु आगे
नूतन लाल साहू