नूतन लाल साहू

पुन्नी मेला
तोरण पताका,सजे हे मंदिर म
भीड़ लगे हे, बाहिर भीतरी म
जगमग जगमग जोत जलत हे
हुम धूप अगरबत्ती, बरत हे
सजे हे भगवान राजीव लोचन के दरबार
आईस राजिम पुन्नी मेला तिहार
आवत हे अवइया ह
जावत हे जवइया ह
माथ मुकुट,गला बनमाला
सजे हे भगवान के दरबार ह
आईस राजिम पुन्नी मेला तिहार
आईस राजिम पुन्नी मेला तिहार
छत्तीसगढ़ के भुइया चंदन हे
ये धूर्रा नोहय, बंदन हे
मंदिर मस्जिद,गिरजा गुरुद्वारा
सबो धरम,भाषा के हे मेला
सजे हे भगवान राजीव लोचन के दरबार
आईस राजिम पुन्नी मेला तिहार
आईस राजिम पुन्नी मेला तिहार
तोर शरण म,बिगड़ी बन थे
तोर कृपा लेे, भाग बदलथे
सबला भक्ति, सुम्मत देबे
तोरेच सबो, संतान हरन
सजे हे भगवान राजीव लोचन के दरबार
आईस राजिम पुन्नी मेला तिहार
आईस राजिम पुन्नी मेला तिहार
नूतन लाल साहू