नूतन लाल साहू

आफत
चुनाव चल दिस
कोरोना आगे
अधिकारी कर्मचारी आऊ
जनता के मन में भय समागे
वाह रे विज्ञान के चमत्कार
कईसन हे तोर मायाजाल
सोचत रेहेन,सुघघर दिन आ ही
सब झन के मन ल भा ही
सरग ले सूघघर,धरती बन ही
पर होवत हे,नवा नवा
आफत के बरसात
खुशी आऊ आंनद होगे सपना
प्रकृति नइय हो सकय,अपना
मानव चाहे, चांद आऊ मंगल में जाय
मौसम आऊ आफत के निठुरई म
कोनो नई,बच पाय
चुनाव चल दिस
कोरोना आगे
पता नही,आगे का का आ ही
समे के खेल आय
सहिले, विपत पीरा
हिम्मत झन हार
भरोसा ल राख
अंधियार जर जा ही
एकदिन अंजोर बगर जा ही
करम आऊ भक्ति ह
जिनगी के असली हे आधार
नाम कमा ले भाग बना ले
किस्मत के लकीर ल
अपन सत्कर्म से सजा लेे
आफत से बचे के आऊ
कोनो नइये दुसर उपाय
चुनाव चल दिस
कोरोना आगे
अधिकारी कर्मचारी आऊ
जनता के मन में भय समागे
नूतन लाल साहू