नूतन लाल साहू

कइसन जमाना आगे

ये अगस्त महीना म, तिहारेच तिहार हे

मगन,भाई बहिनी, लइका सियनहा हे

अधिकारी कर्मचारी के मरे बिहान हे

कोरोना के मारे,सब हलाकान हे

डारा हरियर, पाना हरियर

भुइयां के हरियाली ह,बड़ सुग्घर हे

पर सब बेचैन हे, गवइया शहरिया

कोनो पार न पाया,तोर महिमा सबले ऊपर हे

ये अगस्त महीना म, तिहारेच तिहार हे

मगन,भाई बहिनी, लइका सियनहा हे

अधिकारी कर्मचारी के मरे बिहान हे

कोरोना के मारे,सब हलाकान हे

रिद्धि सिद्धि के स्वामी,गणपति देवता जी

विघ्न विनाशक,मूषक तोर सवारी

अगुन सगुण के रूप में,तय हस

संकट ल हर ले,अब तो अवइया हस

ये अगस्त महीना म, तिहारेच तिहार हे

मगन,भाई बहिनी, लइका सियनहा हे

अधिकारी कर्मचारी के मरे बिहान हे

कोरोना के मारे,सब हलकान हे

पर्यावरण के लाज ला,हम मिल जुरके बचाबो

अइसन प्रदुषण ला, गांव शहर ले भगाबो

सुख दुःख के संगवारी,छोटे बड़े मोर मयारु

सरकार चेतावत हे, नइ सुनन हमन ह

ये अगस्त महीना म, तिहारेच तिहार हे

मगन,भाई बहिनी, लइका सियनहा हे

अधिकारी कर्मचारी के मरे बिहान हे

कोरोना के मारे,सब हलाकान हे

सुवा मैना, पांव म,घुंघरू बांध के नांचे

हरषाय के बेरा म, जिनगी ह कुम्हलागे

देखत रहिथव तरिया पार म, घाटे घटौना बइठे

विधि के रचइया ह,अपन भक्त ल भुलागेहे

ये अगस्त महीना म, तिहारेच तिहार हे

मगन,भाई बहिनी, लइका सियनहा हे

अधिकारी कर्मचारी के मरे बिहान हे

कोरोना के मारे, सब हलाकान हे

नूतन लाल साहू