पहला अध्याय-8
*पहला अध्याय*(श्रीकृष्णचरितबखान)-8
सुनहु कंस ई भगिनी तोरी।
तव तनया सम थोरी-थोरी।।
सद्यहि भवा बिबाह यही कै।
मंगल-चिन्ह न मिटा कहीं कै।।
ताकर उचित नहीं बध करना।
तुम्ह सम दीनबंधु जे अपुना।
पुनि सुकदेव कहत अस भयऊ।
कंसहि बहुबिधि बसु समुझवऊ।।
भयहि-भेद अरु साम-प्रसंसा।
पुनि-पुनि कीन्ह कंस-अनुसंसा।।
पर नहिं कंसा केहु बिधि माना।
देवकि-बध निज मन रह ठाना।।
जलन-दंभ-हठ खलहिं सुभावा।
कपट-कुटिलता भरा छलावा।।
तब बिचार बसुदेवहिं कीन्हा।
केहु बिधि बध-अवसर नहिं दीन्हा।।
जे जन प्रबुध-बिबेकी अहहीं।
निज प्रयास करि संकट टरहीं।।
टरै न संकट जदि केहु भाँती।
दोसी नहीं,नहीं ऊ घाती ।।
दोहा-अब मैं देबउँ निज तनय,दुष्ट कंस के हाथ।
प्रान बचाइब देवकी, बिधिना दैहैं साथ।।
होई जब मोरे सुतय, कंसहि जनु मरि जाय।
बिधि-बिधान जनु मोर सुत,कंसहि मारि गिराय।।
डॉ0हरि नाथ मिश्र
9919446372
कोई टिप्पणी नहीं:
एक टिप्पणी भेजें