आशुकवि रमेश कुमार द्विवेदी चंचल

पावनमंच को प्रणाम ,आज का विषय ...धूम्रपान ,रचनाओं का अवलोकन करें....                                 पान तौ नीकु लगै कतना वतना हमते नहि लिखि पढि़ जाई।।                           पान चढा़ देवी देव सदा नित होय नही बिनु याके पुजाई।।                                  पान बतावतु है मुखभूषन  शोभा कहाँ बिनु या पहुनाई।।                                  भाखत चंचल नाशु भयो जबु आय मिली यहु धूम्र बुराई।।   1।।                     पान विभूषित है रंगरूप जो आदरू औ सम्मान बढा़वै।।                                       आवैं जौ द्वारे कोऊ मेहमानु  तौ स्वागतु मा जलपानहिं धावै।।                             मुल आवै शुरूर जबै मनमा  जबु पान संगै मदपानहिं आवै।।                           भाखत चंचल होवै बहूत जौ नाली गिरैं  अरू शीश झुकावैं।।2।।                         पूत औ  पतनी दुआरे लखैं अरू स्वामी खडे़ मधुशाला रखावैं ।।                        खाता जौ बैंकु कय खाली परै  तौ खेते मकान कय नम्बर लावैं ।।                         कछू दिनु पीवै मधुपमहारानी बादि मँहय वै वनका पी जावैं ।।                       भाखत चंचल काव कही बिनु भोजनु नारि अपर घर धावैं ।।3।।                         आशुकवि रमेश कुमार द्विवेदी, चंचल।ओमनगर