पहला-4
क्रमशः......*पहला अध्याय*
संकरबर्ण होंय कुलघाती।
नरकहिं जाँय सकल संघाती।।
पिण्डदान-जलक्रिया अभावहिं।
केहु बिधि पितर मुक्ति नहिं पावहिं।।
अनंत काल रह नरक-निवासा।
होवहि जब कुल-धर्महि-नासा।।
सुनहु जनर्दन हे बर्षनेया।
कुल-बिनास नहिं लेबउँ श्रेया।।
मिलै न सुख निज कुल करि नासा।
सुनहु हे माधव,मम बिस्वासा ।।
करिअ न जानि-बूझि बिषपाना।
जे अस करै न नरक ठेकाना।।
राज-भोग,सुख-भोग न मोहा।
हम बुधि जनहिं न कछु सम्मोहा।।
अस्तु,सुनहु हे मीत कन्हाई।
अघ करि,जदि सुख, मोहिं न भाई।।
दोहा-रन-भुइँ जदि धृतराष्ट्र-सुत,सस्त्रहीन मोहिं जान।
घालहिं,मों नहिं रोष कछु,तदपि चाहुँ कल्यान।।
अस कहि के अर्जुन तुरत,जुद्ध मानि दुर्भाग।
बान औरु धनु त्यागि के,बैठे रथ-पछि-भाग।।
डॉ0हरि नाथ मिश्र
9919446372
पहला अध्याय समाप्त।
कोई टिप्पणी नहीं:
एक टिप्पणी भेजें
अखिल विश्व काव्यरंगोली परिवार में आप का स्वागत है सीधे जुड़ने हेतु सम्पर्क करें 9919256950, 9450433511