बारहवाँ-3
*बारहवाँ अध्याय*(श्रीकृष्णचरितबखान)-3
निरखि-निरखि गोपी सभ कहही।
जियतयि अजगर जनु मग अहही।।
कोऊ कहहि न अजगर इहवै।
जनु ई गुफा जबर कोउ रहुवै।।
घोटी जदि ई हम सभ धाई।
मरिहैं किसुन बकासुर नाई।।
अस कहि हँसि-हँसि ताली पीटत।
अजगर-मुहँ मा प्रबिसे दउरत।।
सकल गोप अरु बछरू सगरो।
प्रानहिं सभकर कइसे उबरो।।
लगे सोचने किसुन-कन्हाई।
सोचें इत-उत सकल उपाई।।
बछरू सहित सबहिं रह मुहँ तक।
तिनहिं न निगला अजगर अब-तक।
जोहत रहा प्रबेसहि कृष्ना।
जेहिका निगलि बुझाई तृष्ना।।
बका-पूतना किसुना घालक।
तासु बहिनि-माता कै मारक।।
यहिं ते अघासुरै रह जोहत।
मुहँ मा किसुन-प्रबेसइ होवत।।
गोपी-गोप-गाय-रखवारा।
कष्ट सभें कै भंजनहारा।।
कृष्न दयालू अरु उपकारी।
दीन-हीन-रच्छक-सुखकारी।।
जानहिं बछरू-गोप न माया।
अघासुरै जस उनहिं दिखाया।।
निज भगतन्ह कै रच्छा हेतू।
करिहैं जतनहिं कृपा-निकेतू।।
डॉ0हरि नाथ मिश्र
9919446372
कोई टिप्पणी नहीं:
एक टिप्पणी भेजें
अखिल विश्व काव्यरंगोली परिवार में आप का स्वागत है सीधे जुड़ने हेतु सम्पर्क करें 9919256950, 9450433511