आशुकवि रमेश कुमार द्विवेदी चंचल

पावनमंच को सादर प्रणाम, आज कबीर जी के जन्म के सुपावन अवसर पर मेरी लेखनी के कुछ उद्गारों का अवलोकन करें...                                    चौदहीं मा दुई शेष रहाजबु जेठ कै पूनम दाखिल भा।।                              आतप हाल बेहाल सबै मुल शीत कै आगम जाहिर भा।।                            लाज कुलाज कै बाति हिया तबु जाय तडा़गु समागम भा।।                                भाखत चंचल काव कहीजबु दम्पति कै शुभ आगम भा।।1।।                              करूण पुकारु जौ कान सुनी तौ इत उत पंथु निहारबु भा।।                          याहि अवाजु परी जबु नीमा तौ नीरू कै आँखि विलोकबु भा।।                            अंकु भरैं निज बालकु वै अरू लालन पाल दुलारबु भा।।                               भाखत चंचल बातु लिखी घर मा किलकारी कै आउब भा।।2।।                  खुशियाली हिया ना समात रही नित दम्पति लाड़ दुलार मिला।।                     घर सून रहा वहि दम्पति कै घुटननु चलैं बाल सुचाल खिला।।                             निरखैं परखैं हरखैं वै जना सुकुमार गुरू फिरू नाहि मिला।।                         भाखत चंचल काव कही शिव धाम वहीं जबु राम मिला ।।3।।                         आशुकवि रमेश कुमार द्विवेदी, चंचल।  ओमनगर, सुलतानपुर, उलरा,चन्दौकी, अमेठी,उ.प्र.।।मोबाइल..8853521398,9125519009।।